Бишкекте №7 автобустун алдын тосуп туруп алган айдоочу айыпка жыгылды. Бул тууралуу Кайгуул кызматынан билдиришти.
Окуя 14-февралда түштө Чүй проспектисинде болгон. SsangYong Tivoli унаасынын айдап бараткан жаран автобустун айдоочусу «алдынан кесип кетти» деп коомдук унаанын алдын тосуп туруп алган. Окуянын видеосу соцтармактарга тараган.
Кайгуул кызматкерлери аталган айдоочуну издеп тапкан. Ал 44 жаштагы жаран (Ж.Т.) болуп чыккан. Ага Укук бузуулар кодексинин 188-беренесинин 1-2-бөлүктөрү боюнча протокол түзүлүп, жалпы 4 миң сом айып салынган.
Ал менен түшүндүрүү иштери жүргүзүлгөн.
