Бишкекте дайынсыз болуп жаткан 24 жаштагы Ажымурат Сапиев аман-эсен табылды. Бул тууралуу Окябрь райондук милициясынан билдиришти.

Маалыматка караганда, Ажымурат Сапиев 8-июнда Ысык-Көл облусунун аймагынан табылган.

Буга чейин 5-июнда милицияга Сапиевдин апасы кайрылып, уулу 4-июнда 11-кичирайондогу үйүнөн чыккан бойдон кайра келбегенин билдирген.

Коопсуздук максатында милиция кызматкерлери тарабынан түшүндүрүү-профилактикалык сүйлөшүү иштери жүргүзүлдү.

Учурда окуянын бардык жагдайлары такталууда.

Биздин Телеграм каналга катталыңыз