2025-жылдын 6-сентябрынан тартып Бишкектеги Дэн Сяопин проспектисинин Фучик көчөсүнөн Кустанай көчөсүнө чейинки түндүк тарабы капиталдык оңдоо иштерине байланыштуу жабылат. Бул тууралуу шаар мэриясы кабарладф.

Маалыматка ылайык, оңдоо иштери жүрүп жаткан убакта проспекттин түштүк тарабы унаалар үчүн эки тараптуу кыймылга ачылат.

Бишкек мэриясы шаар тургундарын жана борбордун конокторун жаралган абалга түшүнүү менен мамиле кылууга чакырып, жолдордо тыгындарды алдын алуу үчүн коомдук транспортту пайдаланууну сунуштады.