Бишкек шаарында электр мамысына чыгып, кайра түшө албай калган кыз куткарылды. Бул тууралуу Өзгөчө кырдаалдар министрлиги билдирди.
Маалыматка ылайык, куткаруу кызматына Айни көчөсүндө болжол менен 18-20 жаштагы кыз жогорку чыңалуудагы темир электр мамычасына чыгып алып, түшө албай жаткандыгы тууралуу маалымат түшкөн.
Жерине 5 куткаруучу тартылып, темир электр мамычадан кызды аман-эсен түшүрүп, милиция кызматкерлерине өткөрүп беришкен.
