24-ноябрда Бишкек шаарында электр энергиясы үчүн карызы бар 5 миңден ашуун абоненттин жарыгы аралыктан өчүрүлөт. Бул тууралуу «Бишкек электр тармактары» ишканасы билдирди.

Мындан улам ишкана абоненттерди электр энергиясы үчүн төлөмдөрдү өз убагында төлөөгө чакырат.

Жарандардын ыңгайлуулугу үчүн ишкананын сайтында «Абоненттин балансы» бөлүмү иштейт. Ал аркылуу бардык абоненттер, үй-бүлөлүк жана өндүрүштүк, өздөрүнүн жеке эсептеринин абалын каалаган учурда көрө алышат. Мындан тышкары, үй-бүлөлүк абоненттер «Менин жарыгым» мобилдик тиркемеси аркылуу өз баланстарын биле алышат. Төлөмдөрдү бардык онлайн банкингдер аркылуу, ошондой эле «Кыргызпочтасы» аркылуу төлөөгө болот.