Бүгүн, 22-ноябрда, мурдагы Каржы полициясынын төрагасы Сыймык Жапыкеев суракка алынып келинди. Бул тууралуу укук коргоо органдарындагы булак Reporter.kg’ге кабарлады.

Маалыматка ылайык, Жапыкеевди Тергөө кызматына Ысык-Көл облусунун Кажы-Сай айылынан алып келишкен.

Суракка ошондой эле Алмазбек Атамбаевдин уулу Кадыр Атамбаев жана Жогорку Кеңештин мурдагы депутаты Кубанычбек Кадыров алынып келинген.

Мындан тышкары укук коргоо органдары Шайлообек Атазовдун кармалганын маалымдады. Буга чейин Шайлообек Атазовдун үйүндө тинтүү жүрүп, аны суракка алып кетишкени белгилүү болгон.

Тинтүү иштери массалык башаламандыкка чакырган деп шектелип, «Социал-демократтар» партиясынын лидери Темирлан Султанбековдун кармалышына байланыштуу экени айтылган.