Бишкекте лаборатордук жана клиникалык-эпидемиологиялык тастыкталган COVID-19 менен ооруган бейтаптарды 11 стационар кабыл алууда. Бул тууралуу штабдан кабарлашты.
Коронавирустук инфекциянын учурлары көбөйүп жаткандыгына байланыштуу, борбор калаада COVID-19 жана этиологиясы белгисиз болгон пневмония менен ооруган жарандарды кабыл алуу үчүн, буга чейин жабылган (консервацияланган) кошумча орундуктар ачылды. Бүгүнкү күндө, Бишкек шаарында 11 стационар бейтаптарды кабыл алып жатат:
Республикалык клиникалык жугуштуу оорулар ооруканасы (РКЖОО) – 100 орун;
Кыргыз-түрк достук ооруканасы (КТО) – 70 орун;
№1 Шаардык клиникалык ооруканасы (№1 ШКО) – 92 орун;
Улуттук госпиталь (УГ) – 80 орун;
Улуттук фтизиатрия борбору (УФБ) – 38 орун;
Эне жана баланы коргоо улуттук борбору (ЭжБКУБ) – 30 орун;
Улуттук онкология жана гематология (УОиГ) – 10 орун;
Улуттук хирургия борбору (УХБ) – 15 орун;
Улуттук кардиология жана терапия борбору (УКжТБ) – 50 орун;
Темир жол ооруканасы (ТЖО ) – 56 орун;
№2 клиникалык төрөт үйү (КРД№2) – 20.
Жалпысынан 561 койко-орун даярдалган.
