Бишкек шаарынын Орто-Сай базарында ротордук унаа токтотуучу жай курулуп жатат. Бул тууралуу шаар мэриясы кабарлады.
Маалыматка ылайык, 10 автоунаа токтото турган парковка текшерүүдөн кийин ишке берилет.
Парковканы мэриянын «Муниципалдык унаа токтоочу жайлар» ишканасынын адистери менен «Могилёвлифтмаш» ишканасынын өкүлдөрү биргеликте курууда.
Мэрия жетиштүү орундары бар аймактарга көп кабаттуу унаа токтотуучу жайларды куруу пландалып жаткандыгын, ал эми аянты чектелүү аймактарга ротордук парковка куруларын билдирди.
