Бишкекте 4-6-ноябрда Бишкектин жана Чүй облусундагы көчөлөр маал-маалы менен жабылып турат. Бул тууралуу Милициянын кайгуул кызматынан билдиришти.

Жолдор Түркиянын президентинин мамлекеттик сапарына жана Түрк мамлекеттер уюмунун саммити өтө тургандыгына байланыштуу жабылып турмакчы.

Чектөө кире турган көчөлөр:

• «Манас» аэропорту – Бишкек жолу
• Чүй проспекти Фучик көчөсүнөн Манаска чейин
• Манас жана Айматов проспектиси “Ала-Арча”мамлекеттик резиденциясына чейин.

Кайгуул кызматы айдоочуларды аталган көчөлөрдүн жээктерине унааларын калтырбоону, зарыл болбосо, жүк ташуучу унаалар менен жолго чыкпоого, жол эрежесин сактоого чакырат.