Бишкек шаарындагы «Ала-Тоо» аквапаркында окуучу сууга чөгүп кетти.
Мэриянын басма сөз кызматынын маалыматына караганда, №95 мектептин башталгыч классынын окуучулары ата-энелери менен бирге бассейнге барышкан. Сууга түшүп жаткан учурда бир окуучу чөгүп кеткен.
“Учурда Бишкек шаардык мэриясынын билим берүү башкармалыгы тарабынан комиссия түзүлүп, ага райондук билим берүү бөлүмүнүн, акимиаттын жана профсоюздук комитетинин өкүлдөрү киришти. Комиссия аталган окуяны териштирип, мектептин кызматкерлеринин жоопкерчилигинин деңгээлин аныкташат”, — деп айтылат маалыматта.
