Бишкек шаарынын Жеңиш жаңы конушу менен Пригородное айылындагы (мурда Аламүдүн районуна караштуу) жолдун тротуары дагы жарым жерде үзүлүп, дубал тосуп калган. Бул тууралуу Reporter.kg’ге окурмандар билдиришти.
Алардын айтымында, жол 2 жыл мурда оңдолуп, тротуар салынган.
«Бирок кызыл сызыкка чыгып кеткен үйлөр артка жылдырылган эмес. Айрымдары бузду, бирок кээ бирине бийликтин күчү жетпедиби же сүйлөшүп коюштубу, жайында калды. Эми мектеп окуучулары ушул жерге келгенде жолдун аркы бетине өтүүгө аргасыз», — дейт ал.
Андан сырткары, тротуардын ортосунда сым карагай дагы тосуп калган.
Жарым жолдо жоголгон тротуар. Конуштагы жаңы жолдун ыңгайсыздыгы айтылды
Биздин Телеграм каналга катталыңыз
