Бишкек шаарынан «Ала-Арча» жаратылыш паркына №1 жарым-жартылай экспресс каттамы иштей баштады. Бул тууралуу шаар мэриясы билдирди.
Автобус Бишкек шаарынын Т.Усубалиев атындагы эски аянтынан чыгып «Ала-Арча» паркына чейин барат. Автобустар 20-30 мүнөт аралыгында Жусуп Абдрахманов көчөсү аркылуу жүрөт.
Автобус саат таңкы 08:00дөн кечки 19:00 чейин жүрөт. Накталай төлөм — 50 сом, накталай эмес төлөм — 40 сомду түзөт.
Аталган Бишкек-Ала-Арча экспресс каттамын 12 метрлик заманбап 6 Исузу автобустары тейлейт.
