Кыргызстандын туруктуу калкы 2025-жылдын 1-июлуна карата 7 млн 337 миң адамды түздү. Бул тууралуу Улуттук статистика комитети маалымдады.

Маалыматка ылайык, үстүбүздөгү жылдын алты айында калк 55,6 миң адамга же 0,8%га көбөйгөн.

Негизги көрсөткүчтөр:

• Январь–июнь айларында 65 миң бала төрөлгөн. Бул 1000 адамга 17,9ду түзөт (2024-жылы 19,3 болгон).
• Ошол эле мезгилде 16,1 миң адам каза болгон — 1000 адамга 4,4 (2024-жылы 4,5).
• Калктын табигый өсүүсү 48,9 миң адамды түздү. Бул 1000 кишиге 13,5ке барабар (2024-жылы 14,8 болгон).

Региондор боюнча калктын эң жогорку табигый өсүшү Баткен, Ош жана Жалал-Абад облустарында катталды.

Ал эми, эң төмөн көрсөткүч Бишкек шаарында жана Ысык-Көл облусунда байкалган.