Борбор калаада жүк ташуучу унаалардын жана коммуналдык кызматтардын атайын техникаларынын кыймылына күндүз чектөө киргизилиши мүмкүн. Мындай чектөө чараларын иштеп чыгуу тапшырмасын Бишкек шаарынын жаңы мэри Айбек Жунушалиев 8-ноябрда борбор калаанын район жетекчилери менен болгон жолугушууда берди.
Шаар башчысы саат 07.00дөн кийин “Тазалык” ишканасынан атайын техникалардын, ошондой эле башка коммуналдык кызматтардын келишин токтотуу боюнча чараларды көрүүнү тапшырды. Эртең мененки кызуу маалда шаар жолдорундагы тыгындарды жоюу үчүн мэр ошондой эле ар кандай жүктөрдү ташып келүү менен алектенген, мисалы, саат 07.00дөн кийин борбор калаадагы соода түйүндөрүнө товарларды жеткирүү менен алектенген чоң унаалардын эртең мененки жүрүүсүнө чектөө/тыюу боюнча сунуштарды киргизүүнү тапшырды.
Мэриянын билдирүүсүндө жүк ташуучу жана коомдук транспорттордун борбор калаанын көчөлөрүнө саат канчадан чыгуусуна уруксат бериле турганы, ошондой эле мындай тыюулардын кабыл алынган күнү көрсөтүлгөн эмес.
Мындан тышкары, Бишкек шаарынын мэри райондордун акимдерине шаарды көрктөндүрүү эрежелерине ылайык чарба жүргүзүүчү субъекттердин чектеш аймактарын аларды санитардык тазалоо үчүн бириктирүүнү эске алуу менен аймакты тазалоонун техникалык карталарын кайрадан бекитүүнү тапшырды.
Ал эми муниципалдык инспекцияга муниципалдык милициянын ыйгарым укуктарын кеңейтүү жана калыптандыруу боюнча сунуштарды киргизүү, инспекциянын кызматкерлерин алардын иш-аракеттеринин түшүнүксүз жоруктарын жоюу үчүн камералар менен камсыз кылуу маселесин чечүү, ошондой эле борбор калаанын чарбалык субъектилерине рейддерди күчөтүү тапшырылды.
Биздин Телеграм каналга катталыңыз
