“Достык: Дипломатия” программасынын алкагында “Трансчекара суулары – туруктуу өнүгүүнүн кыймылдаткычы” семинарына Кыргызстан, Тажикстан, Түркмөнстан жана Өзбекстандын өкүлдөрү катышты.
Иш-чара 27-28-май күндөрү KazAID уюмунун демөөрчүлүгү менен өттү.
Тренингдин жүрүшүндө туруктуу өнүгүүгө жетишүү үчүн суу ресурстарын пайдалануу, биргелешкен долбоорлорду ишке ашыруу, Арал деңизинин бассейнин өнүктүрүүдө кызматташуу жана эл аралык каржы уюмдары тарабынан аймактын суу ресурстарын башкарууну каржылоо маселелери талкууланды. Баяндамачылардын курамына KOICA, Евразия турукташтыруу жана өнүктүрүү фондунун жана Эл аралык суу ресурстарын башкаруу институтунун эксперттери кирди.
