Быйыл 7 айда алкоголсуз суусундуктардан 1 млрд 201,7 млн сом акциз салыгы чогултулду. Бул тууралуу Салык кызматынан билдиришти.
Кыргызстанда чыгарылган суусундуктардан 566,3 млн сом жана ЕАЭБге мүчө мамлекеттерден импорттолгон продукциядан 635,3 млн сом акциз салыгы түшкөн.
2023-жылдын 7 айына караганда быйыл алкоголсуз суусундардан акциз салыгы 775 млн сомго көп чогулган.
Бул өсүш 2024-жылы ТЭИ ТН 2202 товардык позициясына киргизилген сууларды, анын ичинде кант же башка даам берүүчү заттар кошулган суусундарды акциздик марка менен милдеттүү маркалоо киргизилгенден кийин болду.
Эскерте кетсек, 2022-жылдын 1-июлунан тарта Кыргызстанда алкоголсуз суусундуктарды өндүрүүгө жана импорттоого акциз салыгы салынат.
