Былтыр Кыргызстан коңшу өлкөлөрдөн 3 млрд 629,7 млн кВт/саат электр энергия импорттоду. Бул тууралуу Энергетика министрлиги билдирди.
Министрликтин маалыматы боюнча, 2024-жылы өлкөдө 18,3 млрд кВт/саат электр энергия керектелген. Анын ичинен 12,77 миллиардын ГЭСтер, 1,76 миллиардын Жылуулук электр борбору өндүргөн. Калган 3 млрд 629,7 млн кВт/саат коңшу өлкөлөрдөн импорттолгон.
Андан тышкары жеке чакан ГЭСтер 156,2 млн кВт/cаат, күн электр станциялар 0,17 млн кВт/cаат өндүргөн.
