Бишкек шаарынын Алтымышев көчөсүндө Ала-Арча дарыясынын жээгин бошотуу үчүн курулуштарды бузуу иштери жүрдү. Мэриянын маалыматында, иш-чара өзгөчө кырдаалдар учурунда дарыя нугун тазалоо үчүн атайын техниканын өтүүсүн камсыз кылуу максатында аткарылды.

Иштин алкагында төмөнкү объектилер буздурулду:

• 57 метр темир тосмо;
• 6 жеңил типтеги объект;
• 4 күркө;
• 2 контейнер;
• аянты 80 чарчы метр болгон бастырмалар;
• 4 капиталдык объект (анын ичинде химтазалоочу жай жана сулуулук салону);
• 12 чарбалык курулуш;
• 9 капиталдык тосмо.

Жыйынтыгында 1420 чарчы метр муниципалдык жер бошотулду. Ал эми 5 жаранга жер мыйзамдарын бузгандыгы үчүн жалпы 150 миң сом өлчөмүндө айып пул салынды.

Мындан тышкары, аталган көчөдө жайгашкан жана мамлекеттик актысы бар СПА-салондун жер тилкесин бошотуу маселеси боюнча Архитектуралык-курулуш көзөмөл башкармалыгына расмий кат жөнөтүлдү.