2025-жылдын алгачкы жети айында Кыргызстанда соода жүгүртүүнүн көлөмү 1 трлн 20 млрд сомду түздү. Бул өткөн жылдын ушул мезгилине салыштырмалуу 19%га көп. Бул тууралуу «Акчабар» каржы порталы Улуттук статистика комитетинин маалыматтарына таянып жазып чыкты.

Маалыматка ылайык, эң чоң өсүү автоунаа жана тетиктер сегментинде байкалган, ал 49,5%га өсүп, дээрлик 35 млрд сомго жеткен. Ошондой эле унаа оңдоо жана тейлөө тармагында 35%га өсүп, 4 млрд сомду түзгөн. Май сатуунун көлөмү 34%га көбөйүп, 115 млрд сомго жеткен. Ал эми автоунаадан башка товарларды чекене сатуу 31,3%га өсүп, дээрлик 346 млрд сомду түзгөн.

Соода жүгүртүүнүн жарымынан көбү 594 млрд сомду түзгөн Бишкекке туура келет, бул жалпы көлөмдүн 60%ын түзөт. Экинчи орунда Чүй облусу турат, анда соода жүгүртүүсү 155 млрд сомду түзүп, өлкөдөгү жалпы соода көлөмүнүн 15%ын ээлеген.