Россия президентинин маалымат катчысы Дмитрий Песков «Жеңиш» чокусунда кырсыкка кабылган альпинист Наталья Наговицынага байланыштуу кыргыз тарап бардык мүмкүнчүлүктөрдү колдонгонун билдирди.

«Биздин досторубуз – кыргыз тарап бул альпинистти куткарууга болгон аракетин жумшады. Дрон аркылуу маалымат алынып, ачык жарыяланды. Биздин ӨКМ кыргыз тарап менен аракеттерди координациялап жатат», — деди Песков.

Эскерте кетсек, Наталья Наговицына 7 миң метр бийиктикте бутун сындырып алган соң, аба ырайынын катаалдыгы куткаруу иштерине тоскоол болгон. ӨКМ анын тирүү же тирүү эместиги азырынча белгисиз экенин, учурда дайынсыздар катарында эсептелерин билдирди.