Жалал-Абад облусунун Чаткал районунда жашаган 5 үй-бүлөгө бал челектер тапшырылып, аары багып, бал өндүрүү үйрөтүлүүдө. Бул тууралуу Айыл чарба министри билдирди.
Маалыматка ылайык, бул социалдык долбоор айыл тургундарынын экономикалык абалын жакшыртуу менен катар, аарычылыкты туруктуу кесип катары жайылтууга шарт түзөт.
Программанын алкагында 5 үй-бүлөгө ар бирине 20дан, жалпысынан 100 бал челек алынып берилди. Ошондой эле аларга аарычылык боюнча кыска окуу-тренингдер дагы уюштурулган.
Долбоордун максаты аары багууну үйрөтүп, чакан ишкердикти өнүктүрүү, табигый бал өндүрүүнү жолго коюу жана үй-бүлөлөрдүн киреше табуусуна колдоо көрсөтүү болуп саналат.
