Чаткалда жергиликтүү кызматкер алтын казуучу ишканадан 5 млн сом пара талап кылган

04.09.2025 | 18:25

Атайын кызмат тарабынан Өзгөчө кырдаалдар министрлигине караштуу Токой кызматынын Чаткал токой чарбасынын башчысы Б.М.О. кармалды.

УКМКнын маалыматына ылайык, ал «Алтын Белги» ЖЧКсынын жетекчилигинен 5 млн сом пара опузалап пара талап кылып, болбосо мүлкүн камакка алам жана мамлекеттик органдар тарабынан жасалма тоскоолдуктарды жаратам деп коркуткан.

Аталган ишкана Жалал-Абад облусунун Чаткал районундагы Чоң-Жайык аймагында алтын казуу менен алектенет.

Кызматкер 1-сентябрда 5 млн сомду алган учурда кармалган. Ал УКМКнын убактылуу кармоочу жайына киргизилген. Учурда тергөө иштери жүрүүдө.

Scroll to Top