Бишкек шаарында Фучик көчөсүнүн батыш тарабы убактылуу жабылат. Бул тууралуу мэрия билдирди.

Маалыматка ылайык, 2025-жылдын 6-сентябрынан тарта Чүй проспектисинен Жибек Жолу проспектисине чейинки тилкеде капиталдык оңдоо иштери жүргүзүлөт.

Жабылган тилкенин чыгыш тарабында эки багыттуу кыймыл уюштурулат.

Мэрия шаар тургундарын жана калаанын конокторун жаралган кырдаалга түшүнүү менен мамиле кылууга чакырып, жол тыгындарын азайтуу максатында коомдук транспортту пайдаланууну сунуштады.