Саламаттык сактоо министрлиги кыргыз-тажик мамлекеттик чек арасында жабыркаган аскер кызматкерлеринин абалы тууралуу маалымат берди.
Мекеменин маалыматына караганда, 21 жаштагы Сүйүнбек уулу Б.нын жабык баш мээси жабыркап, мээси жеңил чайкалып калган. Бел омурткаларынын сынышы. Абалы туруктуу, жоокердин эси жайында. Ал нейротравматология бөлүмүнө жаткырылган.
22 жаштагы З.Жалиловдун баш сөөгүнөн, моюнунан, көкүрөгүнөн, сол далысынан жана сол тарабындагы баш сөөгүнөн ок тийип, жараат алган. Жабык баш мээнин жаракаты. Орточо оордуктагы мээнин контузиясы. Сол жактагы мээнин париеталдык жана желке бөлүгүнүн экинчилик ишемиясы, сол жактагы моюн тамырларынын экстравазалдык басымынан улам бети көгөргөн, абразия. Көптөгөн бөтөн денелердин (фрагменттердин) болушу менен сол скапула омурткасынын майдаланган сынышы. Жогорку ортоңку гематома. Абалы оор деп бааланууда, ага операция жасалууда.
Эске салсак, кыргыз-тажик чек арасында кечээ, 3-июнда саат 12.00дөр чамасында Баткен районунун Булак-Башы тилкесинде жаңжал чыккан. Эки өлкөнүн куралдуу күчтөрүнүн ортосунда атышуу болуп, тажик тарап минометторду колдонгон. Эки кыргызстандык аскер кызматкери жаракат алган.
