Тышкы иштер министрлигинин басма сөз кызматы 2025-жылдын 30-ноябрында өтө турган Жогорку Кеңештин депутаттарын мөөнөтүнөн мурда шайлоону чагылдыруу үчүн чет элдик ЖМК өкүлдөрүн аккредитациялоо башталганын билдирди.

Маалыматка ылайык, аккредитациядан өтүү үчүн бардык чет элдик журналисттер 2025-жылдын 17-ноябрына чейин белгиленген формадагы маалыматты паспорттун көчүрмөсү менен бирге төмөнкү электрондук дарекке жөнөтүшү керек: press@mfa.gov.kg

Эгер кошумча суроолор жаралса, журналисттер төмөнкү байланыштар аркылуу кайрыла алышат:

+ 996 (312) 62-65-59

+ 996 (709) 10-64-35 (WhatsApp)

Тышкы иштер министрлиги белгилегендей, аккредитациялоо жол-жобосу тууралуу кошумча маалымат министрликтин расмий сайтында жайгашкан.