Америка Кошмо Штатынын авиакомпанияларына Бишкекке жүргүнчү ташуу сунушталды. Бул тууралуу маалымат жыйында «Манас — эл аралык аэропорту» ААКсынын президентти Манасбек Самидинов билдирди.
Анын айтымында, түз аба каттамды Нью-Йорк же Чикаго шаары менен ачуу каралууда.
«Биз америкалык жүргүнчү ташуучуларга Бишкекке учууну сунуштап жатабыз. Анткени, биздин авиакомпаниялар кара тизмеде, узакка учуп жете да алышпайт», — дейт Манасбек Самидинов.
Ал АКШ менен түз каттам өзүн актарына ишенет.
«Ооба бул дымактуу бирок реалдуу план. Анткени АКШга багыт бизде азыр абдан актуалдуу. Негизи «Чикаго — Кыргызстандын сегизинчи облусу» деп дагы тамашалап жатпайбызбы», — дейт компаниянын жетекчиси.
Бишкектен Нью-Йорк же Чикагого түз аба каттамдын ачуу сүйлөшүлдү
