Кыргызстандын Эгемендүүлүк күнүнө карата Мамлекеттик курулуш агенттиги Ош облусунун Чоң-Алай районунун Бурган-Суу айылындагы Памирден келген этникалык кыргыздар үчүн 10 турак жайды пайдаланууга берүүнү пландоодо.
Ведомствонун басма сөз кызматы билдиргендей, үйлөрдүн курулушу 2023-жылы республикалык бюджеттин эсебинен башталып, долбоордун тендердик баасы 82,9 млн сомду түзгөн.
Курулуш иштерин «Олимп и Ко» ЖЧКсы жүргүзүүдө. Долбоор боюнча ар бир турак-жай эки үй-бүлөгө эсептелген, жалпысынан 10 үй курулат. Ар бир үйдүн жалпы аянты 180 чарчы метр, анын ичинде алты бөлмө болот.
Бүгүнкү күндө курулуш иштеринин 95%ы бүтүп, сырткы ажатканаларды куруу иштери уланууда.
Биздин Телеграм каналга катталыңыз
