Чүйдө өз энесине кол көтөрүүгө шектелип, 47 жаштагы жаран кармалды. Бул тууралуу облустук милициядан кабарлашты.

3-январда Сокулук райондук милициясына 67 жаштагы аял кайрылып, Ш.А. аттуу уулу мас абалында аны системалуу түрдө кол көтөрүп, психологиялык зомбулук көрсөтүп келгенин билдирген.

Соттук-медициналык экспертиза аялдын ден соолугуна жеңил залал келтирилгенин аныкталган. Аталган факт боюнча Кылмыш-жаза кодексинин «Кыйноо» менен кылмыш иши козголгон.

Ш.А. кармалып, убактылуу кармоочу жайга киргизилди. Учурда тергөө иштери жүргүзүлүүдө.