10-октябрь күнү саат 23:35 чамасында Чүй облусунун Москва районунун Петровка айылынын Водоемный көчөсүндөгү турак үйдөн өрт чыгып, андан бир киши каза тапты. Бул туурасында Өзгөчө кырдаалдар министрлигинин маалымат кызматы билдирди.
Жерине өрт өчүрүү кызматынын бир бөлүмү тартылып, саат 23:47 өрт болгон жерге жетип, саат 00:05 өрт чектөөгө алынган. Түнкү бирде толук өчүрүлгөн.
Жалпы аянты 40 чарчы метр турак үй толугу менен күйүп, өрттүн келип чыгуу себеби учурда такталууда.
Өрт кырсыктын кесепетинен бир эркек киши каза болгон, учурда аты жөнү такталууда.
