Кыргызстандын улуу жазуучусу Чыңгыз Айтматовдун 95 жылдык мааракесине карата чыгармалар жыйнагы грузин тилинде жарык көрдү. Бул тууралуу Кыргызстандын Азербайжан жана Грузиядагы элчиси Кайрат Осмоналиев билдирди.
Анын айтымында, жыйнак элчиликтин демилгеси менен Кыргызстандын ардактуу консулдары Арчил Мазиашвили менен Эднар Папунайшвилинин колдоосу менен жарык көргөн.
Китептин кириш сөзү жазуучунун уулу, экс-тышкы иштер министри Аскар Айтматов тарабынан жазылган. Китептин бет ачары күзүндө Тбилисиде өткөрүлөт.
Жыйнакка «Биринчи мугалим», «Кызыл жоолук жалжалым, «Ак кеме» сыяктуу повесттер кирген.
Биздин Телеграм каналга катталыңыз
