Чүй облусунда үйлөнүү үлпөт, маараке жана массалык иш-чараларды өткөрүүгө чектөөлөр киргизилди. Мындай чечим COVID-19 инфекциясынын жаңы учурларынын көбөйүшүнө байланыштуу кабыл алынды.

Ысык-Ата Оорулардын алдын алуу борборунун жана Мамлекеттик санитардык-эпидемиологиялык кызматтын Чүй облусу боюнча ишмердүүлүгүн координациялоо функциялары менен эпидемиологиялык бөлүмүнүн башчысы Акылбек Исаев белгилегендей, бул толкун учурунда оорулардын саны көбүрөөк болуп жатат. Балдардын жана өспүрүмдөрдүн арасында ооруган учурлар көп. Буга байланыштуу билим берүү мекемелерине баруу боюнча мониторинг күчөтүлгөн.