Ооруларды алдын алуу департаментинде бүгүндөн тарта ПЦР-тесттин баасы төмөндөтүлдү. Бул тууралуу 13-июлда Республикалык штаб кабарлады.

ЦР-тест буга чейин 788 сом болсо, мындан ары 490 сомду түзөт.

COVID-19га акысыз ПЦР анализ тапшыруу социалдык статусуна карата акысыз медициналык-санитардык жардам алуу укугу бар категориядагы жарандарга тийиштүү:

– Улуу Ата Мекендик согуштун катышуучуларына;

– Баткен окуяларынын катышуучуларына;

– Эмгектин ардагерлерине;

– 70 жаштан жогору улгайгандарга;

– «Баатыр эне» орденинин ээлерине;

– ден соолугунун мүмкүнчүлүгү чектелген жарандарга – көрүүсү, угуусу боюнча 1, 2-топтун майыптарына;

– 18 жашка чейинки ден соолугунун мүмкүнчүлүгү чектелген балдарга;

– АИВ/СПИД менен жашаган адамдарга;

– 6 жашка чейинки балдарга; жетим балдарга;

– аз камсыз болгон үй-бүлөлөрдүн 16 жашка чейинки балдарына.

Иш убактысы:  Анализди кабыл алуу күн сайын саат 8:30дан – 15:00гө чейин.; Жыйынтыктарды берүү ошол эле күнү саат 18.00дөн 21:00гө чейин.