Жеткирүү кызматында (курьер) иштеген кыргызстандык Кайратбек Нурбол уулун «На близком расстоянии» тасмасынын тартуучу тобу издеп жатат. Бул тууралуу тасманын режиссеру Григорий Добрыгин «Кечки Ургант» программасынын эфиринде айтып берди.
«На близком расстоянии» тасмасы Ксения Раппопорт ойногон актриса жөнүндө баяндайт, ал пандемиянын учурунда Борбор Азиядан келген курьерди өзүнүн батирине жашатып келген. Курьерди чындыгында Бишкекте азык -түлүк жеткирүү менен алектенген кыргызстандык ойногон. Бул ролго актер табуу үчүн Добрыгин жеткирүү кызматына жумушка орношуп, бир нече жума паркта курьер болуп иштеген.
«Мен иштей баштаганымда курьердин чыныгы ролуна кире алдым. Ал жерде үч миңге жакын адам бар. Мен жөн гана аларды карап, өзүмө актёр тандап алдым. Мен Нурболду көргөндө ал курьердин ролуна дал келерин билдим. Мен ага жаздым, бирок ал дароо жооп берген жок. Кийин жолуктук», — деди Григорий Добрыгин.
Ал кошумчалагандай, Нурбол кинодогу өнөктөшү белгилүү актриса экенин билген жок.
«Тилекке каршы, тасмага тартылгандан кийин биз аны жоготуп алдык, Нурбол байланышпайт. Мен ал программаны өзү көрөт же үй-бүлөсүнөн кимдир бирөө көрүп, ага кабар берет деп үмүттөнөм», — деди Добрыгин.
Тасманын бет ачары 28 -октябрда болот.
