Кыргызстандын футбол курамасынын дүйнө чемпионатына тандоо оюндарынын үчүнчү баскычынын алкагындагы соңку эки беттеши июнда өтөт.
Беттештердин бири 5-июнда Түндүк Кореяга каршы болот. Кыргызстан конокто ойнойт.
Ал эми экинчи оюн Бириккен Араб Эмираттары менен 10-июнда өтөт. Беттеш Бишкекте болот.
Эскерте кетсек, дүйнө чемпионатына тандоо оюндарынын үчүнчү баскычында Кыргызстан Өзбекстан, Катар, Иран, Түндүк Корея жана Бириккен Араб Эмираттары менен бир тайпага түшкөн. Кыргызстан 6 упай алып, өз тайпасында бешинчи орунда турат.
Үчүнчү баскычтын жыйынтыгы менен тайпасында 1-2-орунду ээлеген командалар 2026-жылы өтө турган дүйнө чемпионатына жолдомо алат. 3-4-орунду ээлегендер тандоо оюндарынын төртүнчү баскычына өтөт. Соңку эки орундагы курама жарыштан четтейт.
Азырынча Кыргызстанда тандоо оюндарынын төртүнчү баскычына чыгып, дүйнө чемпионатынын жолдомосу үчүн ат салышууга аздыр-көптүр мүмкүнчүлүгү калууда.
