Кыргызстан менен Тажикстандын өкмөттөрүнүн ортосундагы Суу чарба жана энергетика объекттерине жеткиликтүүлүктү камсыз кылуу боюнча макулдашуу ратификацияланды. Бул тууралуу президенттин маалымат кызматы билдирди.

Мыйзамга өлкө башчы Садыр Жапаров кол койду. Ал 19-мартта Жогорку Кеңеши тарабынан кабыл алынган.

Макулдашуу эки мамлекеттин аймагында жайгашкан чарбалык жана энергетикалык объекттерге тоскоолдуксуз кирип колдонууну камсыз кылат.

Мындан тышкары үч дарбазасы бар башкы плотинаны жана Ак-Татыр/Мачои каналынын башкы суу алуучу курулмасын биргелешип иштетүү каралган.