2025-жылдын биринчи жарым жылдыгынын жыйынтыгы боюнча Кыргызстандын республикалык бюджети профицит менен аткарылды. Бул Евразиялык экономикалык комиссиясы жарыялаган маалыматтарда айтылды.

Маалыматка ылайык, январь-июнь айларынын ичинде Кыргызстандын республикалык бюджетинин кирешеси 278,9 млрд сомду (3,2 млрд доллар) түзсө, ал эми чыгашалары 224,8 млрд сомго (2,6 млрд доллар) жеткен. Бюджеттин профицити 54 млрд сомду (600 млн доллар) түзгөн. Бул көрсөткүч өткөн жылдын ушул мезгилине салыштырмалуу 1,8 эсеге көп, анда профицит 30 млрд сомду (300 млн доллар) түзгөн.