Бишкек шаардык прокуратурасы Маданият, маалымат, спорт жана жаштар саясаты министрлигине караштуу мекемелерге карата кылмыш ишин козгоду. Бул тууралуу Прокуратурда кабарлады.

Маалыматка ылайык, прокуратура президенттин фондунан бөлүнгөн 300 млн сомдун сарпталышын текшерген. Натыйжада мамлекетке 27 млн 127 миң 820 сом өлчөмүндө зыян келтирилгени аныкталды.

Бул факты боюнча коррупция беренеси менен иш козголду. Азырынча иликтөөнүн алкагында жооптуу адамдардын аракеттери териштирилип жатат.