Кыргызстан Илимдер академиясынын президенти, башкы сейсмолог Канат Абдрахматовдун «Камбар-Ата-1 ГЭСи катуу жер титирөөдө кооптуу болушу мүмкүн» деген билдирүүсүнө Энергетика министрлиги кескин жооп кайтарды.

Министрлик берген маалыматка ылайык:

• Консультация берген компания сейсмологиялык анализди чет элдик адистер менен бирге жүргүзгөн. Бул үчүн 1770-жылдан 2024-жылга чейинки жер титирөөлөрдүн маалымат базасы түзүлгөн.
• Эксперттер консультант-компанияга геологиялык коркунучтарды, анын ичинде жаракаларды эске алууну сунушташкан.
• Камбар-Ата-1 үчүн гравитациялык плотинанын ийилген варианты тандалган. Бул чечим гидравликалык майнаптуулукту жогорулатып, конструкцияны бекемдөөгө шарт түзөт.
• Компания гравитациялык бетон плотинасы жүктү көтөрө ала турганы боюнча корутунду чыгарган.
• Министрлик белгилегендей, долбоордун техникалык-экономикалык негиздемесинин акыркы отчету менен тааныш эмес адистердин айткандары «каралаган пикир жана зыян келтирүү» катары бааланат.