Кыргыз Республикасынын Президенти Садыр Жапаров эртең, 17-июнда Казакстандын борбору Астана шаарында өтө турган “Борбор Азия — Кытай” экинчи саммитине катышуу үчүн жөнөп кетет.
Бул тууралуу Президенттик администрациянын тышкы саясат бөлүмүнүн башчысы Сагынбек Абдумуталип билдирди.
Саммитке Борбор Азия мамлекеттеринин лидерлери жана Кытай Эл Республикасынын төрагасы Си Цзиньпин катышат.
Иш-чаранын алкагында Президент Садыр Жапаров Кытай лидери Си Цзиньпин менен эки тараптуу жолугушуу өткөрөт.
