Парижде Кыргызстандын минкаб төрагасынын орун басары Бакыт Төрөбаев менен Франциянын министри Лоран Сен-Мартендин жолугушуусу болду. Тараптар соода-экономикалык өнөктөштүктү өнүктүрүү, соода жүгүртүүнү жогорулатуу жана инвестиция үчүн жагымдуу шарттарды түзүү маселелерин талкуулашты.
Биргелешкен технологиялык долбоорлорду ишке ашырууга жана эки өлкөнүн бизнес-коомчулугунун ортосундагы байланышты чыңдоого өзгөчө көңүл бурулду.
Жакынкы арада француз министри Кыргызстанга расмий иш сапары менен келип, бизнес-форумга катышып, өкмөт өкүлдөрү менен жолугушууларды өткөрөт.
