Жаштар арасында грек-рим күрөшү боюнча Кыргызстандын чемпиондугу өттү. Бул тууралуу Жаштар иштери, дене тарбия жана спорт агенттигинен билдиришти.
Маалыматка ылайык, 29-30-март күндөрү Бишкек шаарындагы Каба уулу Кожомкул атындагы Спорт ордосунда грек-рим күрөшү боюнча жаштар арасында өлкө чемпиондугу өттү.
Республикалык чемпионатка өлкөнүн бардык облустарынан жана Ош, Бишкек шаарларынан келген 200дөн ашык спортчу катышкан.
Ошондой эле турнирдин соңунда Кыргызстандын грек-рим күрөшү боюнча жаштар курама командасынын мүчөсү Акыйкат Күлжигит уулу спорт чебери наамын алды.
