Хабиб Нурмагомедовдун мушташ уюму “Eagle Fighting Championship” Кыргызстанда кайрадан ММА боюнча турнир өткөрөт. Бул тууралуу аталган мушташ уюмунун социалдык тармактагы расмий баракчасында айтылат.
Маалым болгондой, мелдеш 10-августка белгиленген.
«Кыргызстанда күйөрмандарыбыз көп болсо керек. Биз сиздер менен 10-августта «Бишкек Аренада» көрүшөбүз», — деп жазылган баракчада.
Турнирдин негизги беттеши “Eagle Fighting Championship” уюмунун чемпиону Бусурманкул Абдибаит уулу менен россиялык Руслан Яманбаевдин беттешүүсү болушу мүмкүн.
