Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузгандыгы үчүн үч акча алмаштыруучу жайлардын лицензиялары убактылуу токтотулду. Бул тууралуу Улуттук банктан билдиришти.

Лицензия 2022-жылдын 9-июлунан 15-июлуна чейинки мөөнөткө токтотулду. Үч алмашуу бюросу тең Бишкекте жайгашкан – экөө Москва көчөсүндө, дагы бирөө Шлагбаум аймагында, Дэн Сяопин проспектиси менен Фучик көчөсүнүн кесилишинде.