Ош-Бишкек Tez 106 рейсин Жогорку Кеңештин депутаты Айнура Алтыбаева 20 мүнөт күттүрдү. Бул туурасында журналист Семетей Аманбеков фейсбуктагы баракчасына жазып чыкты.
Ал бир рейсти толук 20 мүнөт күттүргөн депутатка нааразы болуп, аны сынга алды.
«Анткени, «чимкирик» Айнура Алтыбаева учактын тепкичине чейин унаасы менен баруусу маанилүү болду. Негизи, депутаттар элдин өкүлү болгондуктан жөнөкөйлүктүн жана жеткиликтүүлүктүн үлгүсүн көрсөтүп, эл менен автобустарда жүрүшү керек. Бирок, бул биздин чимкириктерге тиешелүү эмес да…», — деп жазды.
