11-октябрь күнү Ак-Суу районунун Боз-Учук айылынан белгисиз айдоочу жолдун ортосунда мас абалда отуруп алган 72 жаштагы М.С.ны сүзүп, бирок, ошол бойдон из жашырган. Бул туурасында Жол коопсуздугун камсыз кылуу башкармалыгынан билдиришти.
Маалыматка караганда, изи сууй электе Хундай-Сантафе унаасы менен айдоочу Ак-Суу районунун Шахты-Жыргалан айылынын тургуну 36 жаштагы Б.Н. кармалып, тергөө кызматына өткөрүлүп берилди.
Кылмыштардын жана жооруктардын бирдиктүү реестирине катталып, тийиштүү экспертизалар дайындалып тергөө иштери жүрүүдө.
Сүзүлгөн кишинин абалы туурасында маалымат билдирүүдө айтылган эмес.
