Министрлер кабинетинин төрагасы Акылбек Жапаров көмүргө карата бааны атайылап жогорулатуунун алдын алуу үчүн мобилдик топ түзүүнү тапшырды. Бул туурасында аталган органдын басма сөз кызматы билдирди.
Ага ылайык, мамлекеттик органдардын транспорттук мүмкүнчүлүктөрүн мобилизациялоо менен облустарга көмүр ташууну уюштурушу керек. Аны менен бардык аймактары көмүр менен 100% камсыздалышы шарт. Бул иштерди аткарууга эки жума убакыт берди.
Муну менен катар Жапаров чиновниктердин шалаакылыгынан улам эл көмүр менен толук көлөмдө камсыз болбой жатканын кошумчалады. Ушул тапта көмүр бийлик койгон чектен ашып жатат.
