Жогорку Кеңештин депутаты Өмүрбек Бакировдун мандатынан ажыратуу аракети башталды. Бул тууралуу 13-декабрда журналисттерге ал өзү билдирди.

Анын айтымында, 12-декабрда атаандашы Равшан Рыспаев жаңы ачылган жагдайлардан улам добуштарды сатып алуу фактысы боюнча иштин материалдарын кароону баштоо өтүнүчү менен административдик сотко кайрылган. Жыйынтыгында сот өтүнүчтү канааттандырды.

Депутат бул чечим мыйзамсыз экенин белгиледи.

Бакиров өзү күнөөлүү эмес экенин айтууда. Буга чейин Ички иштер министрлиги милиция кылмыштын курамын таппаганын билдирген.

Бакиров бийлик ушундай жол менен «жагымсыз депутаттарга» кысым көрсөтүүгө аракет кылып жатат деп эсептейт.

Бакиров Жогорку Кеңешке Көк-Жар округунан ат салышкан.

Биздин Телеграм каналга катталыңыз