“Ихсан”кооперативине каршы 726 факты менен кылмыш иши козголду. Бул тууралуу Ички иштер министрлиги билдирди.
Маалыматка караганда, жабырлануучулардын чыгымы 700 миллион сом өлчөмүндө.
Кооператив учурда ишмердүүлүгүн улантууда. Анын кардарлары “Ихсандын” банктык эсебине акча каражатарын которуп жатышат.
Министрлик компаниянын баардык банктык эсеби камакка алынганын белгилейт.
Белгилей кетсек, аталган компаниянын жетекчиси Акинай Бекмурзаева 2012-жылдын июль айында камакка алынган. Ага каршы Кылмыш-жаза кодексинин 209-беренеси (алдамчылык) жана 210-беренеси (ишенип берилген мүлктү ээлеп алуу же коротуу) менен кылмыш иши козголгон.
Биздин Телеграм каналга катталыңыз
