ИИМдин Академиясынын курсанттары президенттик стипендия алышты. Бул тууралуу Ички иштер министрлигинен билдиришти.

Белгилүү болгондой, бүгүн, 23-декабрда президент Садыр Жапаров 2022-2023-окуу жылынын жыйынтыгы боюнча окууда, илимий-чыгармачыл жана коомдук иштерде өзгөчөлөнгөн жогорку окуу жайларынын 75 студентине президенттик стипендия тапшырды.

Мыктылардын катарында милициянын генерал-майору Эргеш Алиев атындагы ИИМдин Академиясынын курсанттары Асель Залкарбек кызы, Айсанат Маликова жана Бермет Тилебалдыева бар.

Стипендия алууга ИИМдин Академиясынын 5 курсантынын жана 2 студентинин жетишкендиктери боюнча документтер жөнөтүлгөн. Алардын ичинен 3 курсант президенттин стипендиясын алуу мүмкүнчүлүгүнө ээ болгон.

“Курсанттар президенттин колунан мактоо баракчаларын жана 60 миң сом өлчөмүндө стипендия алышты”, – деп билдирет ИИМ.

[image_carousel source=”media: 203436,203435,203434″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]