Индиянын туроператорлорунун жана массалык маалымат каражаттарынын өкүлдөрү өлкөнүн туристтик потенциалы менен таанышуу үчүн Кыргызстанга келишти.
Кыргызстанга келген туристтердин эң көп агымы салттуу түрдө жай мезгилине туура келет, бирок Индия тарап бардык мезгилдерге, анын ичинде кышкы жана күзгү турларга кызыкдар экенин Индиянын Salvia Promoters Pvt Ltd туристтик компаниясынын директору Прашант Чаудхари билдирди.
«Биздин туристтерди кыргыздын жаратылышы гана эмес, Кыргызстандын тарыхы да кызыктырат. Өлкөңүздө майрамдарды өткөрүү, жада калса үйлөнүү тоюн өткөрүү да кызыктуу. Биз өлкөлөрүбүздүн ортосундагы аба каттамдарынын санын жумасына 4кө жеткирүүнү каалайбыз», — деди Чаудхари.
Индиянын саякат индустриясынын өкүлүнүн айтымында, туризм алардын өлкөдөгү эң тез өнүгүп жаткан рынокторунун бири. Орточо Индиялык саякатка 2000 доллар коротот.
«Биз жакынкы жылдарда Индиядан келген туристтердин саны 50 миллионго чейин көбөйөт деп күтүп жатабыз. Кыргызстандын туризм тармагы үчүн бул сандын беш пайызы да олуттуу өсүш болушу мүмкүн», — деди ал.
Чаудхари кошумчалагандай, индиялык делегация кыргызстандыктардын меймандостугуна жана жаратылышынын кооздугуна жагымдуу таң калтырды. Ал айрым индиялык режиссёрлор Кыргызстандын тоолорунда азыртадан эле тасмаларды тартып жатышканын жана мындан ары да тартыла турганын билдирди.
